لێدوانی دۆناڵد ترەمپ دەربارەی تورکیا و سووریا

واشنتۆن - AA

سەرۆکی ئەمریکا، دۆناڵد ترەمپ رایگەیاند کە پەیوەندییەکانی لەگەڵ سەرکۆماری تورکیا، رەجەب تەیب ئەردۆغان-دا زۆر باشە و گوتی: "لە سووریا لایەنگری کەس ناکەم".

دۆناڵد ترەمپ دوای مەراسیمی واژووکردنی رێککەوتنی بازرگانی نێوان ئەمریکا و ژاپۆن کە لە کۆشکی سپی بەڕێوەچوو لەبارەی دۆخی سووریاوە وەڵامی پرسیاری رۆژنامەنووسانی دایەوە.

سەرۆکی ئەمریکا، دۆناڵد ترەمپ ئاماژەی بەوەدا کە بڕیارەکەی دەربارەی سووریا راست بووە و گوتی: "لایەنگری کەس ناکەم لە سووریا و لەگەڵ سەرکۆمار رەجەب تەیب ئەردۆغان-دا، پەیوەندی باشم هەیە".

دۆناڵد ترەمپ لە بەشێکی تری قسەکانییدا گوتی: "ساڵانێکی دوور و درێژە لە سووریاین. دەبوو ئەرکەکەی سووریا کورت مەودابوایە. دەبوو بچووینایەتە ناوەوەو دەربچووینایە".