Zana Natık Kerem
12 ئاب 2019•نوێکردنەوە: 13 ئاب 2019
تەرابلوس ــ AA
حكوومەتی ویفاقی نیشتمانی لیبیا داوای لە كۆمەڵگەی نێودەوڵەتی كرد كە زیاتر هەوڵەكانی بۆ كۆتاییهێنان بەو هێرشە بخاتەگەڕ كە هێزەكانی خەلیفە حەفتەر بۆسەر شاری تەرابلوس ئەنجامی دەدەن، بۆ ئەوەی ببێتە مایەی راگرتنی چالاكییە تیرۆریستییەكان.
وەزارەتی دەرەوەی حكوومەتی ویفاقی نیشتمانی لیبیا لەبارەی ئەو تەقینەوە تیرۆریستییە روونكردنەوەیەكی بڵاوكردەوە كە دوێنێ لە شاری بنغازی رۆژهەڵاتی ئەو وڵاتە روویدا و بە هۆیەوە سێ فەرمانبەری نێردەی نەتەوە یەكگرتووەكان بۆ لیبیا كوژران.
لە راگەیەندراوەكەدا، وەزارەتی دەرەوەی حكوومەتی ویفاقی نیشتمانی كە لەسەر ئاستی نێودەوڵەتییدا دانی پێدانراوە ئەنجامدانی چالاكی و كردەی تیرۆریستی گەڕاندووەتەوە بۆ بۆشایی ئەمنیی كە بووەتە هۆی پەلاماردانی تەرابلوس و دابەشبوونی دامەزراوە وئەمنیی و سەربازییەكان.
دوێنێ شەممە ئۆتۆمبێلێكی بۆمبڕێژكراو لە شاری بنغازی رۆژهەڵاتی لیبیا تەقییەوە و لە ئاكامدا، سێ فەرمانبەری نێردەی نەتەوە یەكگرتووەكان بۆ لیبیا كوژراون.
