كه‌نه‌دا مه‌رجی پێدانی ڤیزه‌ی له‌سه‌ر هاووڵاتییانی ئیمارات هه‌ڵگرت

ئۆتاوا – AA

كه‌نه‌دا رایگه‌یاند مه‌رجه‌كانی پێدانی ڤیزه‌یان به‌ هاووڵاتییانی ئیمارات هه‌ڵگرتووه‌.

وه‌زیری كۆچبه‌ران و هاووڵاتیبوونی كه‌نه‌دا، ئه‌حمه‌د حوسێن دوای كۆبوونه‌وه‌ی له‌گه‌ڵ وه‌زیری ده‌ره‌وه‌ و هه‌ماهه‌نگی نێوده‌وڵه‌تی ئیمارات، عه‌بدوڵڵا بن زیاد ئال نهەیان كه‌ به‌ سه‌ردانێكی فه‌رمی له‌ كه‌نه‌دایه‌ رایگه‌یاند كه‌ مه‌رجه‌كانی پێدانی ڤیزه‌یان به‌ هاووڵاتییانی ئیمارات هه‌ڵگرتووه‌ و ئه‌م بڕیاره‌ش له‌ پێنجی حوزه‌یرانه‌وه‌ ده‌چێته‌ واری جێبه‌جێكردنه‌وه‌.

ئه‌حمه‌د حوسێن ئاماژه‌ی به‌وه‌شدا ئه‌و كاره‌ی كه‌نه‌دا به‌رامبه‌ر ئیمارات له‌ میانی لێكۆڵینه‌وه‌ی ورد و به‌رفراوانی پێوه‌ره‌كان سه‌رچاوه‌ی گرتووه‌ و بۆیان ده‌ركه‌وتووه‌ كه‌ پێویسته‌ هاووڵاتییانی ئیمارات سوودمه‌ند بن له‌ پێوه‌ره‌كانی وه‌رگرتنی ڤیزه‌ی كه‌نه‌دا.