كه‌نه‌دا.. فڕۆكه‌یه‌كی جه‌نگی كه‌وته‌خواره‌وه‌

كۆڵد له‌یك - AA

فڕۆكه‌یه‌كی جه‌نگیی سه‌ربه‌ هێزی ئاسمانیی شاهانه‌ی كه‌نه‌دا RCAF كه‌وته‌خواره‌وه‌.

هێزی ئاسمانیی شاهانه‌ی كه‌نه‌دا لە راگەیەنراوێکدا رایگه‌یاند، فڕۆكه‌یه‌كی جه‌نگیی جۆری CF-18 له‌میانه‌ی فڕینی فێركاریی رۆژانه‌یدا كه‌ له‌ بنكه‌یه‌كی سه‌ربازیی شاری كۆڵد له‌یك فڕیوه‌، له‌نزیك ویلایه‌تی ساسكاشوان به‌هۆكارێكی نه‌زانراو كه‌وتووه‌ته‌خواره‌وه‌.

له‌ راگەیەنراوەکەدا ئاماژە بەوە کراوە کە فڕۆكه‌وانه‌كه‌ نه‌یتوانیووه‌ خۆی رزگاربكات و گیانی له‌ده‌ستداوه‌.

راگایەنراوەکە زانیاری سه‌باره‌ت به‌ ناسنامه‌ی فڕۆكه‌وانه‌كه‌ نه‌داوه‌ و رایگه‌یاندووه‌ كه‌ لێكۆڵینه‌وه‌ له‌ رووداوه‌كه‌ ده‌ستپێكردووه‌.

وه‌زیری به‌رگریی كه‌نه‌دا هارجیت سه‌جان له‌ ئۆتاوا له‌لێدوانێكیدا بۆ رۆژنامه‌نووسان، دڵگرانیی خۆی له‌باره‌ی رووداوه‌كه‌وه‌ ده‌ربڕی.