كه‌نه‌دا.. بكوژی شه‌ش موسڵمان له‌به‌رده‌م دادوه‌ر

كیوبیك سیتی - AA

دادگاییكردنی ئه‌لێكسانده‌ر بیسۆنتی ده‌ستی پێكرد كه‌ ساڵی رابردوو به‌چه‌كه‌وه‌ هه‌ڵیكوتایه‌ سه‌ر مزگه‌وتێكی شاری كیوبیك سیتی كه‌نه‌دا و شه‌ش نوێژخوێنی كوشت.

دادوه‌ری كیوبیك سیتی فڕانچۆیس هوۆت تاوانه‌كانی ئه‌لێكسانده‌ر بیسۆنتی ته‌مه‌ن ٢٨ ساڵی خوێنده‌وه‌.

بیسۆنتی به‌ ئه‌نجامدانی ١٢ تاوان دادگایی ده‌كرێ كه‌ شه‌ش تاوانیان تاوانی پلە یه‌كن و بیسۆنتییش بانگه‌شه‌ی ئه‌وه‌ ده‌كات كه‌ "بێتاوانه‌".

چاوه‌ڕێ ده‌كرێ دادگاییكردنه‌كه‌ نزیكه‌ی دوو مانگ بخایه‌نێ و هوۆت داوای كردووه ئه‌ندامانی لیژنه‌ی هه‌ڵسه‌نگاندن سێ هێنده‌ زیاد بكرێ و زیاتر له‌ ٦٠٠ ئه‌ندام به‌شداری تیدا بكه‌ن.

هوۆت بۆ ئه‌وه‌ی كاریگه‌ری نه‌كاته‌ سه‌ر هه‌ڵبژاردنی ئه‌ندامانی لیژنه‌كه‌ دۆسیه‌كه‌ی به‌ رووی میدیاكاندا قه‌ده‌غه‌ كردووه‌. دوای ئه‌وه‌ی لایه‌نه‌كان هه‌موو به‌ڵگه‌كانیان پێشكه‌شی لیژنه‌ی هه‌ڵسه‌نگاندن ده‌كه‌ن قه‌ده‌غه‌كردنه‌كه‌ هه‌ڵده‌گیرێ.

ژماره‌یه‌ك له‌ كه‌سوكاری قوربانیان له‌ كاتی دانیشتنه‌كه‌دا خۆیان پێ نه‌گیرا و فرمێسك به‌ چاوه‌كانیاندا ده‌هاته‌ خواره‌وه‌.