فڕۆكەیەكی هێڵی ئاسمانی توركی لە ئەمریكا هاوسەنگی لەدەستدا

ئیستانبوڵ - AA

فڕۆكەیەكی هێڵی ئاسمانی توركی لە فڕۆكەخانەی نیویۆرك لە كاتێكدا بۆ نیشتنەوە لە فڕگە نزیكبووەوە، هاوسەنگی لەدەستدا و لە ئەنجامدا، 28 گەشتیار و دوو كارمەندی ستافی فڕۆكەكە برینداربوون.

بەپێی راگەیەندراوێكی راوێژكاری راگەیاندنی هێڵی ئاسمانی توركی، فڕۆكەیەكی هێڵەكە لە گەشتی ژمارە TK 01ی ئیستانبوڵ-نیویۆركدا لە میانی نیشتنەوەدا بە هۆی خراپی كەشوهەواوە هاوسەنگیی لەدەستداوە.

لە راگەیەندراوەكەدا ئاماژە بەوە دراوە، فڕۆكەكە 326 سەرنشین و 18 كارمەندی ستافی فڕۆكەكەی هەڵگرتووە و لە دەقەكەیدا هاتووە، "بە هۆی تێكچوونی هاوسەنگییەوە 28 سەرنشین و دوو كارمەندمان بەسووكی برینداربوون. تیمی فڕۆكەوانیمان بە سەركەوتوویی نیشتنەوەی فڕۆكەكەیان بەئەنجام گەیاندووە. بریندارەكان بە مەبەستی چارەسەر رەوانەی نەخۆشخانە كراون".

هەروەها كۆمپانیاكە نیگەرانیی خۆی لەئاست رووداوەكەدا نیشانداوە.