شاندی ئه‌مریكا گه‌یشته‌ كۆریای باكوور

واشنتۆن – AA

شاندی ئه‌مریكا به‌مه‌به‌ستی ئامادەکاری بۆ ئه‌نجامدانی لووتكه‌ی نێوان سه‌رۆكی ئه‌مریكا دۆناڵد تره‌مپ و سه‌رۆكی كۆریای باكوور كیم جۆنگ-ئون له‌گه‌ڵ شاندی كۆریای باكوور كۆبۆوه‌.

له‌مباره‌یه‌وه‌ تره‌مپ له‌ هه‌ژماری فه‌رمی خۆی له‌ تویته‌ر رایگه‌یاند كه‌ به‌مه‌به‌ستی به‌رنامه‌دانان بۆ لووتكه‌ی نێوان ئه‌و له‌گه‌ڵ كیم جۆنگ ئون شاندی ئه‌مریكا گه‌یشتۆته‌ كۆریای باكوور.

تره‌مپ نوسیوێتی: "كۆریای باكوور هێزێكی شاراوه‌ی ناوازه‌ی هه‌یه‌ و له‌و باوه‌ڕه‌ دام رۆژێك ده‌بێته‌ وڵاتێكی مه‌زن له‌ بواری ئابووری. له‌مڕووه‌وه‌ كیم جۆنگ ئون بۆچوونی وه‌ك هی منه‌".

له‌لایه‌كی دیكه‌وه‌ گوته‌بێژی وه‌زاره‌تی ده‌ره‌وه‌ی ئه‌مریكا هێزه‌ر ناوێرت رایگه‌یاند كه‌ شاندی ئه‌مریكا له‌ گوندی پانمونجۆن كه‌ ناوچه‌یه‌كی داماڵدراوه‌ له‌ چه‌ك كۆریای باكوور له‌گه‌ڵ شاندی كۆریای باكوور كۆبۆته‌وه‌.

له‌ راگه‌یه‌ندراوه‌كه‌ی ناوێرت-دا هاتووه‌: "ئاماده‌كارییه‌كان به‌رده‌وامن بۆ كۆبوونه‌وه‌ی نێوان سه‌رۆك و سه‌رۆكی كۆریای باكوور كیم جۆنگ ئون".