سەرۆکی ھەرێمی کوردستان لەگەڵ سەرکۆماری ئازەربایجان کۆبووەوە

ھەولێر – AA

سەرۆکی ھەرێمی کوردستان، نێچیرڤان بارزانی دوای کۆبوونەوەی لەگەڵ سەرکۆماری ئازەربایجان، ئیلھام عەلیێڤ رایگەیاند کە چاوەڕوانی پێشخستنی پەیوەندییەکانی نێوان ھەرێمی کوردستان و عێراقن لەگەڵ ئازەربایجان.

نێچیرڤان بارزانی لە میانی سەردانەکەی بۆ ئازەربایجان لەگەڵ سەرکۆماری ئەو وڵاتە، ئیلھام عەلیێڤ کۆبووەوە.

سەرۆکی ھەرێمی کوردستان دوای کۆبوونەوەی لەگەڵ سەرکۆماری ئازەربایجان توتێکی بڵاوکردەوە و تیایدا نووسیوویەتی "خۆشحاڵم کە سەردانی ئازەربایجان دەکەم و لەگەڵ سەرکۆمار ئیلھام عەلیێڤ لە باکو کۆبوومەوە".

نێچیرڤان بارزانی ھەروەھا راشیگەیاندووە "سوپاسی سەرکۆماری ئازەربایجان دەکەم بۆ ئەو پێشوازییە گەرمەکەی کە لێکردین و بەوپەڕی خۆشحاڵییەوە چاوەڕوانی پێشخستنی پەیوەندییەکانی نێوان ھەرێمی کوردستان و عێراقم لەگەڵ ئازەربایجان".

ئەمڕۆ سێشەممە، سەرۆکی ھەرێمی کوردستان، نێچیرڤان بارزانی بە سەردانێکی فەرمی گەیشتە باکو پایتەختی ئازەربایجان.