بۆگۆتا - AA

سەرۆکی ڤێنیزوێلا، نیکۆلاس مادورۆ پشتڕاستی کردەوە کە نزیکەی ١٠ ڕۆژ لەمەوبەر پەیوەندییەکی تەلەفۆنی لەگەڵ سەرۆکی ئەمریکا، دۆناڵد ترەمپ ئەنجام داوە.

لە چالاکییەکدا کە لە تەلەڤیزیۆنی فەڕمی ڤێنیزوێلادا VTV پەخشکرا، مادورۆ باسی لەوە کرد کە پەیوەندییە تەلەفۆنییەکەی لەگەڵ ترەمپ لە کەشێکی دۆستانەدا بەڕێوەچووە.

گوتیشی: "بەڵێ، پەیوەندییەکی تەلەفۆنیمان لەگەڵ بەڕێز سەرۆک ترەمپ ئەنجام دا. دەمەوێت ڕایبگەیەنم کە تۆنی گفتوگۆکە لە چوارچێوەی ڕێزدا، تەنانەت لە کەشێکی دۆستانەدا کۆتایی هات. ئەگەر گفتوگۆی نێوان سەرۆکی ئەمریکا و سەرۆکی ڤێنیزوێلا هەنگاوێک بێت بەرەو گفتوگۆیەکی ڕێزلێگیراو، ئەوا بەخێرهاتنی گفتوگۆ و دیپلۆماسیی دەکەم، چونکە ئێمە هەرگیز واز لە گەڕان بە دوای هەلی گفتوگۆ و ئاشتییدا ناهێنین".

مادورۆ بە ئینگلیزی بانگەوازێکی ئاڕاستەی ئەمریکا کرد و، ڕایگەیاند: "بەخێرهاتن بۆ گفتوگۆ، بەخێرهاتن بۆ دیپلۆماسیی. بەڵێ بۆ ئاشتیی، نەخێر بۆ جەنگ".