سەرۆکی ئەمریکا بۆ جەژنی رەمەزان چالاکییەکی لە کۆشکی سپی رێکخست

نیویۆرک – AA

سەرۆکی ئەمریکا، جۆ بایدن لە میانی چالاکییەک کە بۆ جەژنی رەمەزان لە کۆشکی سپی ئەنجام درا، رایگەیاند: "پێداگیرین لە دژایەتیکردنی هەر جۆرە رق و کینەیەک بە ئیسلامفۆبیایشەوە، ئەمە کاری لەپێشینەی حکوومەتەکەمە".

جۆ بایدن لە میانی چالاکییەکەدا، پێشوازی لە نوێنەرانی موسڵمانە ئەمریکییەکان کرد.

چالاکییەکە بە خوێندنەوەی چەند ئایەتێک لە قورئانی پیرۆز دەستی پێ کرد و جۆ بایدن بە بەشداربووانی گوت: "بەخێربێن بۆ ماڵی خۆتان".

سەرۆکی ئەمریکا، جۆ بایدن سەرنجی خستە سەر رۆڵی موسڵمانان لە پێشخستنی ئەمریکا و گوتی: "ئێستا لە هەموو کاتێک زیاتر موسڵمانان لە کۆنگرێسن. سوپاسی ئەو موسڵمانانە دەکەم کە لە حکوومەتەکەمدا ئەرکدارن".

گوتیشی: "پێداگیرین لە دژایەتیکردنی هەر جۆرە رق و کینەیەک بە ئیسلامفۆبیایشەوە، ئەمە کاری لەپێشینەی حکوومەتەکەمە"، سەرنجیشی خستە سەر ئەوەی کە بۆ تاوتوێکردنی جیاکاریی و حوکمدانی پێشوەختە لەسەر موسڵمانان گرووپێکی کاری پێکهێناوە لەنێوان دامەزراوەکاندا.