سەرۆکوەزیرانی عێراق گەیشتە سعوودیە

ھەولێر ــ AA

سەرۆکوەزیرانی عێراق، مستەفا کازمی بە سەردانێک گەیشتە سعوودیە کە لە میانیدا ژمارەیەک دۆسیەی گرنگ کە پەیوەندییان بە چۆنیەتی پتەوترکردنی ھاوکارییە ھاوبەشەکانی نێوان بەغدا و ریازەوە ھەیە لەگەڵ بەرپرسانی ئەو وڵاتە تاوتوێ دەکات.

نووسینگەی سەرۆکوەزیرانی عێراق لە راگەیەنراوێکدا ئاماژەی بەوەداوە کە مستەفا کازمی بە سەرۆکایەتی شاندێکی باڵا، گەیشتووەتە سعوودیە.

بەپێی راگەیەنراوەکە مستەفا کازمی لە سەردانەکەیدا بۆ سعوودیە ژمارەیەک دۆسیەی گرنگ کە پەیوەندییان بە چۆنیەتی پتەوترکردنی ھاوکارییە ھاوبەشەکانی نێوان بەغدا و ریازەوە ھەیە لەگەڵ بەرپرسانی ئەو وڵاتە تاوتوێ دەکات.