سەرکۆماری تورکیا بەرەو رووسیا بەڕێکەوت

ئیستانبوڵ-AA

سەرکۆماری تورکیا، رەجەب تەیب ئەردۆغان لەسەر بانگێشتی سەرۆکی رووسیا، ڤلادیمیر پوتین بە فڕۆکەی تایبەتیی ''تور'' کاتژمێر ١٣:١٥ بەرەو شاری سۆچی باشووری رۆژئاوای رووسیا بەڕێکەوت.

هەریەک لە وەزیری دەرەوە، مەولود چاوشئۆغڵو و وەزری وزە و سەرچاوە سروشتیەکان، بەرات ئالبایراک و هاوسەری سەرکۆمار ئەمینە ئەردۆغان، یاوەریی دەکەن لە گەشتەکەیدا بۆ رووسیا.

بڕیارە ئەردۆغان لەگەڵ سەرکۆماری ئێران، حەسەن روحانی کۆبێتەوە.

دوای لووتکەی سێقۆڵی بە بەشداری سەرکۆماری ئێران، حەسەن روحانی و سەرۆکی رووسیا، ڤلادیمیر پوتین کۆنگرەیەکی رۆژنامەوانی رێکدەخەن. ئەردۆغان و پوتین و روحانی دواتر خوانی ئێوارە پێکەوە دەخۆن.