ئەرکی پێکھێنانی حکوومەت بە داودئۆغڵو راسپێردرا

سەرکۆماری تورکیا، رەجەب تەیب ئەردۆغان ئەرکی پێکھێنانی ٦٤ەمین حکوومەتی تورکیای بە سەرۆکی گشتی ئاکپارتی و پەرلەمانتاری شاری قۆنیا، ئەحمەد داودئۆغڵو راسپارد.

داودئۆغڵو لە دوای کۆبوونەوەی سەرۆکی لقی پارێزگەکان لە ناوەندی گشتی ئاکپارتی بەرەو پەرلەمانی تورکیا بەڕێکەوت و سوێندی یاسایی خوارد. لە دوای ئەمیش گەیشتە نشینگەی فەرمی سەرۆکایەتی وەزیران.

داودئۆغڵو لە دوای نیو سەعات سەردانی کۆشکی سەرۆکایەتی کۆمار کرد و کۆبوونەوەکەی ٣٧ خولەکی خایاند.