سه‌رۆكوه‌زیرانی فه‌ڕه‌نسا ده‌ستی له‌كار كێشایه‌وه

‌ پاریس – AA

سه‌رۆكوه‌زیرانی فه‌ڕه‌نسا، ئێدوارد فلیپ ده‌ستله‌كاركێشانه‌وه‌ی خۆی پێشكه‌شی سه‌ركۆماری فه‌ڕه‌نسا، ئیمانوێل ماكرۆن كرد.

كۆشكی ئه‌لیزێ رایگه‌یاند فلیپ ده‌ستله‌كاركێشانه‌وه‌ی خۆی و حكوومه‌ته‌كه‌ی پێشكه‌شی ماكرۆن كردووه‌ و ماكرۆنیش به‌ ده‌ستله‌كاركێشانه‌وه‌كه‌ رازی بووه‌.

چاوه‌ڕێ ده‌كرێت له‌ چه‌ند كاتژمێری داهاتوودا ناوی سه‌رۆكوه‌زیرانی نوێ ئاشكرا بكرێت و له‌ چه‌ند رۆژی داهاتووشدا كابینه‌ی نوێ رابگه‌یه‌ندرێت.

چه‌ند هه‌فته‌یه‌كه‌ چاوه‌ڕێی ده‌ستله‌كاركێشانه‌وه‌ی سه‌رۆكوه‌زیرانی فه‌ڕه‌نسا ده‌كرێت، له‌ كاتێكدا كێشه‌ كۆمه‌ڵایه‌تی و ئابوورییه‌كان یه‌خه‌ی ئه‌و وڵاته‌ی گرتووه‌.