دۆناڵد ترەمپ بۆ خەڵاتی نۆبڵ بۆ ئاشتی کاندید دەکرێت

ئەنقەرە- AA

سەرۆکی ئەمریکا، دۆناڵد ترەمپ کاندید کراوە بۆ خەڵاتی نۆبڵ بۆ ئاشتی.

بەگوێرەی ئەو هەواڵانەی کە لە میدیاکانی ئەمریکادا بڵاوکراونەتەوە، دۆناڵد ترەمپ بەهۆی ئەو رۆڵەی کە لە رێککەوتنی نێوان ئیمارات و ئیسرائیل نواندوویەتی، کاندید کراوە بۆ خەڵاتی نۆبڵ بۆ ئاشتی بۆ ساڵی ٢٠٢١.

دۆناڵد ترەمپ لە ١٣ی ئابدا، گەیشتنی ئیمارات و ئیسرائیل بە رێککەوتن بۆ ئاساییکردنەوەی تەواوی پەیوەندییەکانی نێوانیان راگەیاند.

دواتر لە ٣١ی ئابدا بۆ یەکەمجار لە مێژوودا، فڕۆکەیەک کە شاندەکانی ئەمریکا و ئیسرائیلی هەڵگرتبوو لە تەل ئەبیب-ەوە گەیشتە ئەبوزەبی و بۆ ئاساییکردنەوەی پەیوەندییەکانی نێوان ئیمارات- ئیسرائیل و دوو رۆژ کۆبوونەوەیان ئەنجامدا.

بەم شێوەیە ئیمارات لە دوای میسر و ئوردن بووە سێیەم وڵاتی عەرەبی کە ئەو رێککەوتنەی لەگەڵ ئیسرائیل واژوو کردبێت.