داعش ئەو چەکدارانەی حەشدی شەعبی کوشت کە رفاندبوونی

کەرکووک – AA

رێکخراوی تیرۆریستی داعش ئەو چەکدارانەی حەشدی شەعبی کوشت کە لە میانی نانەوەی بۆسەیەک لە باشووری کەرکووک رفاندبوونی.

بەرپرسی راگه‌یاندنی به‌ڕێوه‌به‌رایه‌تی پۆلیسی كه‌ركووك، ئه‌فراسیاو كامیل بە په‌یامنێری ئاژانسی ئانادۆڵوی رایگه‌یاند "رێکخراوی تیرۆریستی داعش سەرجەم ئەو چەکدارانەی حەشدی شەعبی کوشت کە لە میانی نانەوەی بۆسەیەک لە باشووری کەرکووک رفاندبوونی".

ناوبراو ئاماژەی بەوەشدا کە دوای پێکدادانێکی توند تەرمی ئەو ٢٠ چەکدارە رفێنراوەی حەشدی شەعبی لە لایەن هێزەکانی پۆلیسەوە دۆزرانەوە.