خۆپیشاندانی ئێلەگ زەردەکان لە ھۆڵەندا

لاھای - AA

خۆپیشاندانی "ئێلەگ زەردەکان" لە چەند شارێکی جیاوازی ھۆڵەندا ئەنجامدرا.

لە دوای بانگھێشتی خەڵک لە تۆڕە کۆمەڵایەتییەکان، یەلەک زەردەکان لە شارەکانی ئەمستردام، لاھای، رۆتردام و ١٣ شاری دیکە کۆبوونەوە.

خۆپیشاندەران بەزۆری لەسەر بانگھێشتی گرووپە راستڕەوەکانی ئەو وڵاتە کۆبوونەوە و لەسەر پرسەکانی خانەنشینی، گرانی لە کەرتی تەندروستی و پەروەردە و کۆچبەران حکوومەتیان پرۆتێستۆ کرد.

نزیکەی ١٥٠ یەلەک زەرد لەسەر پردی رۆتردام ئێراسموس کۆبوونەوە و لەو شوێنەوە رێپێوانیان کرد و گوڵیان پێشکەش بە خەڵکی ناوچەکە کرد.

ھاوکات نزیکەی ٥٠ یەلەک زەرد لە ئەمستردام لە گۆڕەپانی دام کۆبوونەوە.

لەلایەکی دیکەش ٥٠ یەلەک زەرد لە گۆڕەپانی بەردەم پەرلەمان لە لاھای کۆبوونەوە و داوای دەستلەکارکێشانەوە سەرۆکوەزیرانی ئەو وڵاتە، مارک رووتی -یان کرد.