تورکیا تیرۆرکردنی فەخریزادە-ی ئیدانە کرد

ئەنقەرە- AA

وەزارەتی دەرەوەی تورکیا، لەبارەی تیرۆرکردنی زانای ئەتۆمیی ئێران، موحسین فەخریزادە راگەیەندراوێکی بڵاوکردەوە و تیایدا ئیدانەی تیرۆرکردنی ناوبراوی کردووە.

لە راگەیەندراوەکەدا هاتووە "دڵگران بووین بە تیرۆرکردنی زانای ئێرانی موحسین فەخریزادە. ئەم کارە قێزەونە ئیدانە دەکەین و سەرەخۆشی ئاراستەی حکوومەتی ئێران و خێزانی خوالێخۆشبوو دەکەین".

جەخت لەوەشکراوەتەوە کە تورکیا دژبە هەموو هەوڵێکی تیرۆریستییە کە ئامانجی تێکدانی ئاشتی و ئاسایشی ناوچەکەبێت.

وەزارەتی دەرەوەی تورکیا، داواشیکردووە ئەنجامدەرانی ئەم کارە تیرۆریستییە بدۆزرێنە و بە سزای یاسایی خۆیان بگەیەندرێن.