بە هۆی هێرشی سەربازانی ئیسرائیلی 79 فەڵەستینی بریندار بوون

قودس – AA

بە مەبەستی بڵاوەپێکردن بە گردبوونەوەی موسوڵمانان لەبەردەم مزگەوتی ئەقسا، پۆلیسی ئیسرائیل ٧٩ فەڵەستینی بریندار کرد.

هێزەکانی سوپای ئیسرائیل، بە گولـلەی پلاستیکی، بۆمبی دەنگی و گازی فرمێسکڕێژ رووبەڕووی ئەو فەڵەستینییانە بوونەوە کە بە مەبەستی ئیدانەکردنی دانانی ئامێری ئەلیکترۆنی لە دەروازەکانی مزگەوتی ئەقسا و ئەنجامدانی نوێژی شێوان و خەوتنان لەبەردەم مزگەوتی ئەقسا گردببوونەوە.

بە پێی ئەو زانیاریانەی لە سەرچاوەکانی مانگی سووری فەڵەستینییەوە وەرگیراوە لە ئاکامی دەستوەردانی پۆلیسی ئیسرائیل و رووبەڕووبوونەوەی فەڵەستینییەکان، ٧٩ کەس بریندار بوون کە برینی دووانیان سەختە. ٣٧ بریندار گوازرانەوە نەخۆشخانەکان و ئەوانی دیکەش لە شوێنی رووداوەکە چارەسەری تەندروستیان بۆ کراوە.

شایەتحاڵانیش ئاماژەیان بەوە داوە کە پۆلیس ژمارەیەک فەڵەستینی دەستگیرکردووە.