سوپای ئیسرائیل ١٠ هاووڵاتی فەڵەستینی دەستگیر كرد

قودس ــ AA

سوپای ئیسرائیل رایگەیاند كە لە میانی هەڵمەتێكیدا لە كەناری رۆژئاوا، ١٠ هاووڵاتی فەڵەستینی دەستگیركردووە.

لە بەیاننامەیەكدا سوپای ئیسرائیل ئاماژەی بەوەداوە، ئەو فەڵەستینیانەی بە گومانی تێوەگلان لە چالاكی تیرۆریستی میلـلیدا دەستگیركردووە.

بە پێی داتاكانی فەڵەستین، ژمارەی بەندكراوانی فەڵەستینی لە گرتووخانەكانی ئیسرائیلدا، گەیشتووەتە شەش هەزار و ٤٠٠ كەس كە لە نێویاندا، ١٢ ئافرەت، ٣٠٠ منداڵ و ١٢ ئەندامی ئەنجوومەنی یاسادانانی فەڵەستین هەن، هەروەها ٤٥٠ لەو ژمارەیە بە دەستگیركردنی كارگێڕی بە بێ‌ دادگاییكردن، بەندكراون.