برینداربوونی ٨٥ ھاووڵاتی فەڵەستینی لە خۆپیشاندانەکانی کەناری رۆژئاوا

رامەڵڵا -AA

بەھۆی دەستوەردانی سەربازانی ئیسرائیل لەو خۆپیشاندانانەی لە ناوچەکانی کەناری رۆژئاوا رێکخرابوون،٨٥ فەڵەستینی برینداربوون.

ئەمڕۆ ھاووڵاتیانی فەڵەستینی لەدوای "رێپێوانی گەڕانەوەی گەورە" بەبۆنەی رۆژی خاکی فەڵەستین، دووبارە خۆپیشاندانیان بەمەبەستی پێدانی مافی گەڕانەوە و ھەڵگرتنی ئابلوقە لە ناوچە سنوورییەکان ئەنجامدا.

بەپێی ئەو راگەیەنراوەی لەلایەن دەزگای مانگی سووری فەڵەستینی بڵاوکراوەتەوە، بەھۆی دەستوەردانی سەربازانی ئیسرائیل لەو خۆپیشاندانانەی کە لە رامەڵلا و قالقیا و نابلوس رێکخرابوون، ٨٥ فەڵەستینی برینداربوون.

لە چەند رۆژی رابردوودا ھاووڵاتیانی فەڵەستینی بەشداریان لە "رێپێوانی گەڕانەوەی گەورە" لە کەرتی غەززە کرد و، لە بەرامبەردا سوپای ئیسرائیل ژمارەیەک ھاووڵاتی فەڵەستینیان شەھید کردبوو.

ئیسرائیل لە ٣٠ی ئاداری ساڵی ١٩٧٩ ھەزاران دۆنمی لە ناوچەی جەلیلەی باکووری ئەو وڵاتە داگیرکردووە و، بەم ھۆیەشەوە گەلی فەڵەستین بەمەبەستی پرۆتێستۆکردنی ئەو کارە رژانە سەر شەقامەکان.

لە بەرامبەر ئەوەدا سەربازانی ئیسرائیل شەش ھاووڵاتی فەڵەستینیان شەھید کرد و، ھەزاران کەسی دیکەیان بریندار کرد، لەبەرئەوە ئەم رۆژە ناوی رۆژی خاکی لێنرا و بووە سمبولی خەباتی گەلی فەڵەستین لە بەرامبەر داگیرکاری ئیسرائیل.