بوومەلەرزەیەکی توند فلیپینی هەژاند

کوالا لومپور- AA

بوومەلەرزەیەک بەگوڕی ٦،٧ پلە لەسەر پێوەری رێختەر، باشووری فلیپینی هەژاند.

لە راگەیەندراوێکدا کە لەلایەن پەیمانگای فلیپین بۆ گڕکان و بوومەلەرزە بڵاوکراوەتەوە، باس لەوە کراوە کە بوومەلەرزەکە کاتژمێر ٠٤:٤٨ بەکاتی ناوخۆ لە بەشی باشووری دوورگەی لوزۆن روویداوە.

بوومەلەرزەکە کە لە قوڵایی ١١٦ کیلۆمەتر روویداوە لە دوای پێنج خولەک پاشلەزەیەک بەگوڕی ٥،٨ پلە روویداوە.

بوومەلەرزەکە هیچ زیانێکی گیانی لێنەکەوتووەتەوە و دوای روودانیشی هیچ هۆشدارییەک لە بارەی روودانی شەپۆڵەکانی تسۆنامی نەدراوە.