بوومەلەرزەیەک بەگوڕی ٥،٢ پلە ئێرانی هەژاند

تاران - AA

بوومەلەرزەیەک بەگوڕی ٥،٢ پلە لەسەر پێوەری رێختەر پارێزگای کۆھگیلوویە و بۆیرە ئەحمەد باشووری رۆژئاوای ئێرانی هەژاند.

لە راگەیەندراوێکی ناوەندی بوومەلەرزەزانی زانکۆی تاراندا، ئاماژە بەوە کراوە، بوومەلەرزەیەک کە چەقەکەی شارۆچکەی چەرام-ی سەربە پارێزگای کۆھگیلوویە و بۆیرە ئەحمەد بەگوڕی ٥.٢ پلە لەسەر پێوەری رێختەر کاتژمێر ٠٠:٣١ بەکاتی ناوخۆیی ناوچەکەی هەژاندووە.

بوومەلەرزەکە لە شارۆچکەکانی گەچسەران، دوگونبەدیان و دەهدەشتی هەستی پێ کراوە.

بە هۆی بوومەلەرزەکەوە هیچ کەسێک گیانی لەدەست نەداوە، بەڵام پێنج کەس کە لە باڵکۆن و پەنجەروە خۆیان هەڵداوە بە هۆی ترسەوە، برینداربوون.