ئەنقەرە - AA

بوومەلەرزەیەک بە گوڕی ٦،٥ پلە بە پێوەری ڕێختەر، لە ویلایەتی پاپوا لە ڕۆژھەڵاتی ئیندۆنێزیا ڕوویدا.

بەپێی زانیارییەکانی ناوەندی لێکۆڵینەوە جیۆلۆجی ئەمریکا (USGS)، کاتژمێر ١٤:٤٨ بە کاتی ناوخۆ، بوومەلەرزەیەک بە گوڕی ٦،٥ پلە بە پێوەری ڕێختەر لە نزیکەی ٢٠٠ کیلۆمەتری ڕۆژئاوای ناوچەی ئابێپورا تۆمارکراوە.

بوومەلەرزەکە لە قوڵایی ٧٠،١ کیلۆمەتردا ڕوویداوە.

تا ئێستا ھیچ ڕاگەیاندراوێک دەربارەی زیانی گیانی و ماڵی بڵاونەکراوەتەوە.

ناوەندی پاسیفیک بۆ ھۆشیاری تسۆنامی کە ناوەندەکەی لە ئەمریکایە، بڵاویکردەوە دوای بوومەلەرزەکە ھیچ ھۆشدارییەک دەربارەی تسۆنامی نەدراوە.