باڵیۆزخانەی ئەمریکا لە بەغدا بە مووشەک کرایە ئامانج

ئیستانبوڵ - AA

لە ئاکامی هێرشێکی مووشەکی بۆ سەر باڵیۆزخانەی ئەمریکا لە بەغدای پایتەختی عێراق، باڵەخانەکە زیانی بەر کەوت.

ئاژانسی ھەواڵی ئەسۆشیەییتد پرێس (AP) بڵاوی کردەوە کە، دوای هێرشەکە دووکەڵ لە باڵەخانەکە بەرز بووەتەوە.

سەرچاوە ئەمنییەکان ڕایانگەیاندووە کە یەکێک لە مووشەکەکان لە ناوچەی نیشتەجێبوونی باڵیۆزخانەکە کەوتووە و زیانی بەر پیستی هێلیکۆپتەر گەیاندووە.

بە پێی هەواڵێکی "شەفەق نیوز" لە زمان سەرچاوە ئەمنییەکانەوە، بە هۆی هێرشەکەوە سیستەمی بەرگریی ئاسمانی سی-ڕام'ی باڵیۆزخانەکە زیانی بەرکەوتووە.