داڤۆس - AA

لە شارۆچکەی داڤۆسی سویسرا، ئەو شوێنەی کۆڕبەندی ئابووریی جیهانی (WEF)ی تێدا ئەنجام دەدرێت، بەهۆی ئاگادارکردنەوە لە بارەی ئاگر کەوتنەوە بە شێوەیەکی کاتی چۆڵ کرا.

پەیامنێری کەناڵی فۆکس بیزنسی ئەمریکی، ئێدوارد لاورێنس لە هەژماری خۆی لە تۆڕی کۆمەڵایەتی بڵاوی کردەوە، ناوەندی کۆنگرەکان کە کۆڕبەندەکەی تێدا بەڕێوەدەچێت، بەهۆی بەرزبوونەوەی دووکەڵ لە بەشێکی نزیکی ناوەندەکە، چۆڵ کراوە.

لۆرێنس ئاماژەی بەوە کرد دوای ئەوەی تیمەکانی ئاگرکوژێنەوە ناوچەکەیان پشکنی و کۆنترۆڵیان کرد، پرۆسەی چۆڵ کردنەکە کۆتایی هات.

ڕۆژنامەی ئێڵ بی سی بەریتانی، لە هەواڵێکیدا ئاماژەی بەوە کردووە هۆکاری بەرزبوونەوەی دووکەڵەکە، ئاگرکەوتنەوە بووە لە کوخێکی بچووکی نزیک ناوەندی کۆنگرەکان.

هەروەها باس لەوە کرا کە ئەو ئاگرە بچووکە هیچ زیانێکی گیانی یان ماددی لێنەکەوتووەتەوە.