ئیسپانیا.. کەوتنەخوارەوەی فڕۆکەیەکی جەنگی

مەدرید - AA

فڕۆکەیەکی جەنگی لە جۆری C-101 سەربە هێزی ئاسمانی ئیسپانیا لە میانی مەشق و راهێناندا لەسەر دەریای ناوەڕاست کەوتەخوارەوە.

لە راگەیەندراوێکی ئیدارەی پاراستنی مەدەنی ناوچەی ئۆتۆنۆمی مورسیا ئاماژە بەوە کراوە کە فڕۆکەی جەنگی لە جۆری C-101 لە نزیک کەناراوەکانی لامانگەر دەل مار مەنۆر کەوتووەتە خوارەوە.

کاتی کەوتنەخوارەوەی فڕۆکەکە لە رێی مۆبایلەوە تۆمار کراوە و دەردەکەوێت کە فڕۆکەوانەکە کورسی هەڵدان بەکارناهێنێت.

لە لایەکی ترەوە کۆمپانیای ئیسپانی CASA کە بەرهەمهێنەری فڕۆکەی جۆری C-101-ە بە هۆی کەوتنەخوارەوەی فڕۆکەکەوە بەرەوڕووی لێپێچینەوە دەکرێتەوە.

دوێنێ لە دوورگەی مایۆرکا رۆژهەڵاتی ئیسپانیا لە رووداوێکی تردا هەلیکۆپتەرێک و فرۆکەیەکی بچووک دایان بەیەکدا و بە هۆیەوە حەوت کەس گیانیان لەدەست دا.