ئه‌نجوومه‌نی ناتۆ-رووسیا له‌ برۆكسل كۆبووه‌وه‌

برۆكسل - AA

ئه‌نجوومه‌نی ناتۆ-رووسیا، به‌مه‌به‌ستی گفتوگۆكردن لەبارەی پرسەکانی ئۆكراینا، چالاكییه‌ سه‌ربازییه‌كان و شه‌فافیه‌ت، له‌سه‌ر ئاستی باڵیۆزان له‌ برۆكسل كۆبووه‌وه‌.

به‌پێی روونكردنه‌وه‌ی به‌رپرسێكی ناتۆ بۆ ئاژانسی ئانادۆڵو، تەوەرە سه‌ره‌كییه‌كانی كۆبوونه‌وه‌كه‌ پرسی ئۆكرانیا، رێككه‌وتنی مینسك و چالاكییه‌ سه‌ربازییه‌كان ده‌بێت.

له‌و چوارچێوه‌یه‌دا چاوه‌ڕوان ده‌كرێت ناتۆ داوا له‌ رووسیا بكات بۆ به‌ته‌واوه‌تی جێبه‌جێكردنی رێككه‌وتنی مینسك.

به‌رپرسه‌كه‌ی ناتۆ باسی له‌وه‌ كرد كه‌ لایه‌نه‌كان تیشكده‌خه‌نه‌ سه‌ر شه‌فافیه‌ت و چۆنیه‌تی كه‌مكردنه‌وه‌ی مه‌ترسییه‌كان، چونکە ئه‌وه‌ بۆ سه‌قامگیری و ئاسایشی ئه‌ورووپا گرنگه‌.