Sarp Özer,Hemın Othman Mohammed
02 تشرینی یەکەم 2018•نوێکردنەوە: 02 تشرینی یەکەم 2018
ئهنقهره - AA
سهربازانی سوپای توركیا و ئهمریكا گهیشتوونهته دواین قۆناغی كارهكانیان لهبارهی ئهو مهشقهی بهیهكهوه ئهنجامی دهدهن سهبارهت به ئهركی گهڕان و دهوریهی هاوبهش له منبج.
بهرپرسان ئاماژه بهوه دهكهن كه كارهكانیان گهیشتووهته دواین قۆناغ بۆ مهشقی هاوبهش و، ههنگاوی پێویست دهگرنهبهر بۆ ئهوهی لهكورتترین ماوهدا دهست به مهشقهكان بكهن.
بهپێی ئهو زانیارییهی له سهرچاوه سهربازییهكانهوه دهست ئاژانسی ئانادۆڵو كهوتووه، كارهكان لهبارهی ئهركی گهڕان و دهوریهی هاوبهش كه بڕیاره لهلایهن سهربازانی سوپای توركیا و ئهمریكاوه له منبج ئهنجام بدرێت، درێژهی ههیه.
لهلایهكی دیكهوه، سوپای توركیا رۆژی یهكشهممه لهسهر هێڵی قهڵغانی فورات و منبج 53ـهمین ئهركی دهوریهیان ئهنجامداوه.
