ئازەربایجان.. ئەرمینیا کارگەیەکی لۆکەی لە شاری تەرتەر کردە ئامانج

تەرتەر- AA

ئەرمینیا بەردەوامە لە پێشێلکردنی ئەو ئاگربەستەی لەگەڵ ئازەربایجان رایگەیاندبوو.

لەو چوارچێوەیەشدا سوپای ئەرمینیا، کارگەیەکی لۆکەی لە شاری تەرتەری ئازەربایجان تۆپباران کرد.

کارگەکە کەوتووەتە گوندی کۆچەرلی و بەهۆی تۆپبارانەکەوە ئاگرێکی گەورە لە کۆگاکەیدا کەوتووەتەوە.

بەرپرسانی ناوچەکەش تا ئێستا هیچ روونکردنەوەیەکیان لە بارەی ژمارەی کوژراو و بریندارەکانەوە نەداوە.

تا کاتی ئامادەکردنی ئەم هەواڵەش ئاگرەکە بەردەوامە.

سوپای ئەرمینیا بەردەوامە لە تۆپباران کردنی چڕی ناوچە سنوورییەکانی ئازەربایجان و بەهۆی پەلامارەکانەوە رێگە نادرێت هیچ کەسێک لە ناوچەکە نزیک ببێتەوە.