ئۆپۆزسیۆنی سووریا شارەدێی چۆبانبێی لە ژێر کۆنترۆڵی داعش دەرھێنا

حەلەب - AA

یەکینەکانی ئۆپۆزسیۆنی سووریا، شارەدێی چۆبانبێی باکووری رۆژھەڵاتی حەلەب کە دەکەوێتە سەر ھێڵی ستراتیژی عەزاز، جەرابلوس و ماری شاری حەلەب-یان لە ژێر دەستی داعش دەرھێنا.

راگەیەنرا کە لە شەڕ و پێکدادانەکانی چۆبانبێی، یەکینەکای ئۆپۆزسیۆنی سووریا دوو چەکداری داعشیان بەدیل گرتووە و ژمارەیەکی زۆری چەکداری سەر بەو رێکخراوەیان کوشتووە. ھاوکات سێ ئۆتۆمبێڵی بۆمبرێژکراوی داعشیش لە ناوچەکەدا پوچەڵکراوەتەوە.

ئاماژە بەوەش کرا کە کەتیبەی سوڵتان موراد، موعتەسم و فەیلەق ئەلشام و بەرەی شام بەشداریان لە ئۆپۆراسیۆنەکەدا کردووە.

لەوەو پێش ئۆپۆزسیۆنی سووریا لە مانگی نیسان ئەم شارەدێیەیان کۆنترۆڵکردبوو، بەڵام بەھۆی ھێرشی داعش بە ئۆتۆمبێڵی بۆمبرێژکراوەوە، ئۆپۆزسیۆنی سووریا لە ناوچەکە کشابوونەوە.