ھەرێمی کوردستان.. تووشبوون بە ڤایرۆسی کۆرۆنا ٧٦ ھەزار کەسی تێپەڕاند

ھەولێر - AA

وەزارەتی تەندروستیی ھەرێمی کوردستان رایگەیاند، لە ٢٤ کاتژمێری رابردوودا، ٦٨٩ تووشبووی نوێ بە ڤایرۆسی کۆرۆنای نوێ (COVID-١٩) و ٢٤ حاڵەتی گیانلەدەستدان تۆمارکراوە، بەمەش کۆی گشتی تووشبووان بە ڤایرۆسەکە گەیشتە ٧٦ ھەزار و ٢٥ حاڵەت و گیانلەدەستدانیش بەھۆی ڤایرۆسەکەوە گەیشتە دوو ھەزار و ٤٥٥ کەس.

وەزارەتی تەندروستیی ھەرێمی کوردستان لە راگەیاندراوێکدا ئاماری ٢٤ کاتژمێری رابردووی وەزارەتەکەی لەبارەی بەرەنگاربوونەوەی ڤایرۆسی کۆرۆنای نوێ (COVID-١٩)ی بڵاوکردەوە.

بەپێی راگەیاندراوەکە، لە ٢٤ کاتژمێری رابردوودا، پێنج ھەزار و ٥٥٥ پشکنین لەسەر ئاستی ھەرێمی کوردستان ئەنجامدراوە و، دەرەنجام ٦٨٩ تووشبووی نوێ بە ڤایرۆسەکە و ٢٤ حاڵەتی گیانلەدەستدان تۆمارکراوە.

لە راگەیاندراوەکەی وەزارەتی تەندروستیی ھەرێمی کوردستاندا کە کۆپییەکی گەیشتووەتە ئاژانسی ئانادۆڵو، ئاماری تووشبووان و گیانلەدەستدان لە ٢٤ کاتژمێری رابردوودا بەم شێوەیەی خوارەوە تۆمارکراوە:

پارێزگای ھەولێر، ٢١٤ تووشبوو، پێنج حاڵەتی گیانلەدەستدان

پارێزگای سلێمانی، ١٠٠ تووشبوو، ھەشت حاڵەتی گیانلەدەستدان

پارێزگای دھۆک، ٣٠١ تووشبوو، حەفت حاڵەتی گیانلەدەستدان

پارێزگای ھەڵەبجە، ٢٢ تووشبوو، یەک حاڵەتی گیانلەدەستدان

ئیدارەی گەرمیان، ٣٦ تووشبوو

ئیدارەی راپەڕین ١٦ حاڵەتی تووشبوو، سێ حاڵەتی گیانلەدەستدان

ئاماژە بەوەشدراوە کە لە ٢٤ کاتژمێری رابردوودا، ٢٠١ نەخۆش دوای چارەسەری پزیشکی چاکبوونەوەتەوە و، ھاوکات لە سەرەتای سەرھەڵدانی ڤایرۆسی کۆرۆناوە تا ئێستا ٦٤٦ ھەزار و ٢٦٤ پشکنین لەسەر ئاستی ھەرێمی کوردستان ئەنجامدراوە.

بەپێی داتاکانی وەزارەتی تەندروستیی ھەرێمی کوردستان، کۆی گشتی تووشبووان بە ڤایرۆسی کۆرۆنای نوێ (COVID-١٩) لە ھەرێمی کوردستان گەیشتووەتە ٧٦ ھەزار و ٢٥ تووشبوو کە ٢٧ ھەزار و ٨٨٠ لە ھەولێر، ٢٢ ھەزار و ٤٤٤ لە سلێمانی، ٢٣ ھەزار و ١٨٥ کەس لە دھۆک و، دوو ھەزار و ٥١٦ لە ھەڵەبجە بووە، لەنێویاندا دوو ھەزار و ٤٥٥ حاڵەتی گیانلەدەستدان ھەبووە کە ٧٠٣ لە ھەولێر، ھەزار و ٢٠٧ حاڵەت لە سلێمانی، ٤٤٥ لە دھۆک و لە ٩٠ حاڵەت ھەڵەبجە بووە.

وەزارەتی تەندروستیی ھەرێمی کوردستان وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، داوای لە ھاووڵاتییان کردووە پابەندبن بە رێنماییەکانی تەندروستیی و دوورکەوتنەوە لە شوێنی قەرەباڵخ و دانانی ماسک و دەستکێش، ھەروەھا لەکاتی پێویستدا پەیوەندی بە ھێڵی گەرمی ژمارە (١٢٢) بکەن.