کاروانێکی دیکەی ڤاکسینی کۆرۆنا گەیشتە عێراق

ھەولێر ــ AA

وەزارەتی تەندورستیی و ژینگەی عێراق، گەیشتنی کاروانێکی دیکەی ڤاکسینی کۆرۆنای راگەیاند کە بڕەکەی یەک ملیۆن و ٢٣٩ ھەزار و ٣٠ دۆزە.

وەزارەتی تەندروستیی و ژینگەی عێراق لە راگەیەنراوێکدا ئاماژەی بەوەداوە کە ڤاکیسینەکان لەلایەن کۆمپانیای فایزەرە بەرھەمھێنراوە و ھاتووە "کاروانەکە لە چوارچێوەی دەستپێشخەری کۆڤاکس لە رێگای رێکخراوی یونیسێف-ەوە، گەیشتووەتە عێراق و بڕەکەی یەک ملیۆن و ٢٣٩ ھەزار و ٣٠ دۆزە".

بەپێی راگەیەندراوەکە، ڤاکسینەکان بەسەر سەرجەم بنکە و فەرمانگە تەندروستییەکانی پارێزگاکانی عێراق و ھەرێمی کوردستان دابەشکراون.

تا ئێستا، شەش ملیۆن و ٩٤١ ھەزار و ٧٣١ کەس لە عێراق، دۆزی یەکەم و دووەمی ڤاکسینی کۆرۆنایان وەرگرتووە.