هەرێمی کوردستان.. دهۆک لە پێشەوەی تووشبووان بە کۆرۆنایە

هەولێر - AA

وەزارەتی تەندروستیی هەرێمی کوردستان رایگەیاند: "لە میانی ٢٤ کاتژمێری رابردوودا، ٧٧١ کەس تووشی ڤایرۆسی کۆرۆنا بوون".

بەپێی راگەیەندراوێکی وەزارەتی تەندروستیی هەرێمی کوردستان، "لە میانی ٢٤ کاتژمێری رابردوودا، ٧٧١ کەس تووشی ڤایرۆسی کۆرۆنا بوون کە زۆرترین ژمارەیان لە دهۆک بووە بە ٣٣٦ تووشبوو".

بە پێی ئەو راگەیەندراوەی وەزارەتی تەندروستیی هەرێمی کوردستان، ٢٤١ تووشبوو لە هەولێر، ١١٥ لە سلێمانی، ٤١ لە گەرمیان، ٢٣ کەس لە راپەڕین و لە پارێزگای هەڵەبجەیش ١٥ تووشبوو تۆمارکراوە.

وەزارەتی تەندروستیی هەرێمی کوردستان راشیگەیاند کە "لە میانی ٢٤ کاتژمێری رابردوودا، ٣٩٢ تووشبووی کۆرۆنا چاکبوونەتەوە و هاوکات ٢١ تووشبووش گیانیان لەدەستداوە کە زۆرترینیان لە پارێزگای دهۆک بووە و هەشت کەس گیانی لەدەستداوە ".

بە پێی راگەیەندراوەکەی وەزارەتی تەندروستیی هەرێمی کوردستان، "تا ئێستا ٨٣ هەزار و ٣٧٦ کەس تووشی ڤایرۆسی کۆرۆنا بوون کە ٥١ هەزار و ٧٢ کەسیان چاکبوونەتەوە و دوو هەزار و ٦٣٧ کەسیش گیانیان لەدەستداوە".