مووشه‌كه‌ نیشتمانییه‌كان له‌گه‌ڵ سیسته‌می چه‌كی توركیادا ده‌گونجێندرێن

ئه‌نقه‌ره‌ - AA

به‌ گونجاندنی مووشه‌كه‌ نیشتمانییه‌ پێشكه‌وتووه‌كان له‌گه‌ڵ سیسته‌می چه‌ك، قه‌ڵغانێكی زۆر گرنگ دروست ده‌كرێت به‌رامبه‌ر هه‌ڕه‌شه‌ جیاوازه‌كان.

به‌پێی زانیارییه‌كانی په‌یامنێری ئاژانسی ئانادۆڵو پیشه‌سازیی به‌رگریی توركیا به‌رده‌وامه‌ له‌ كاره‌كانی بۆ پێشخستنی توانا سه‌ربازییه‌كانی هێزه‌ ئه‌منییه‌كان.

بۆ ئه‌م مه‌به‌سته‌ سوپای توركیا له‌ میانی "پڕۆژه‌ی ئامێره‌ چه‌ك هه‌ڵگره‌كان"دا كه‌ بۆ زیادكردنی توانای سه‌ربازیی هێزه‌ وشكانییه‌كان ده‌ستی پێكردووه‌، به‌رده‌وامه‌ له‌ راده‌ستكردنی پڵنگ كه‌ دژه‌تانكی نه‌وه‌ی نوێیه‌ و له‌ رێگای گونجاندنی ئه‌و ئامێرانه‌ش له‌گه‌ڵ مووشه‌كه‌كانی سیسته‌می چه‌كداری تانكشكێنی ناوه‌ندمه‌ودا له‌ كارێكی دیكه‌ی "رۆكێستان" سه‌ركه‌وتنی به‌ده‌ست هێنا.

مووشه‌كه‌ نیشتمانییه‌كانی جۆری OMTAS, UMTAS, LUMTAS و 4 Cirit كه‌ له‌لایه‌ن رۆكێستانه‌وه‌ پێش خراون، ده‌تواندرێ له‌ هه‌مان كاتدا له‌گه‌ڵ سیسته‌می چه‌كی یاڵماندا به‌كار بهێندرێت.

راده‌ستكردنی تانكه‌كانی Leopard 2A4 له‌ تشرینی یه‌كه‌م و تشرینی دووه‌مدا ده‌ست پێده‌كات، زرێپۆشه‌كانی سوپای توركیا به‌ شێوه‌یه‌كی چالاك له‌ سه‌رجه‌م ناوچه‌كانی ئۆپه‌راسیۆن به‌كار ده‌هێندرێت، ده‌بێته‌ قه‌ڵغانی پاراستن به‌رامبه‌ر هه‌ڕه‌شه‌كانی موشه‌كی دژه‌تانك و چه‌كی ئاڕ پێ جی.

هه‌وڵیش ده‌درێت سیسته‌می به‌رگریی ئاسمانیی سونگور كه‌ له‌گه‌ڵ ئامێره‌كان گونجێندراون و ده‌تواندرێت له‌ سه‌ر پشته‌وه‌ ئاراسته‌ بكرێن، ئه‌مساڵ راده‌ست بكرێت.