گالاتاسەرای بە ئەنجامی ٣-٢ گۆڵ بردنەوەی بەسەر تۆتنهامدا تۆمار کرد

ئیستانبوڵ - AA

لە چوارچێوەی یارییەکانی چوارهەمین هەفتەی خولی یۆرۆپا لیگدا، یانەی گالاتاسەرای بە ئەنجامی٣-٢ گوڵ سەرکەوتنی بەسەر یانەی تۆتنهام تۆمار کرد.

لە خولەکی شەشەمی یارییەکەدا یانەی زەرد و سوور لە ڕێگەی یاریزان یونس ئاکگون یەکەم گۆڵی تۆمار کرد، لە خولەکی ١٣دا یانەی تۆتنهام لە ڕێگەی ویڵ لانکشیر ئەنجامەکەی یەکسان کردەوە. پاشان گالاتاسەرای لە خولەکەکانی ٣١ و ٣٩دا لە ڕێگەی ڤیکتۆر ئۆسیمهین دوو گۆڵی دیکەی تۆمار کرد و گێمی یەکەمی یارییەکە ٣-١ کۆتایی هات.

لە گێمی دووەمی یارییەکە و ٦٩هەمین خولەکدا یانەی میوان تۆتنهام لە ڕێگەی دۆمینیک سۆلانکی دووەمین گۆڵی تۆمار کرد، یارییەکەش بە ئەنجامی ٣-٢ کۆتاییهات.

بەم ئەنجامە گالاتاسەرای سێهەمین بردنەوەی لە خولەکەدا بەدەستهێنا و، ژمارەی خاڵەکانی بەرزبووەوە بۆ ١٠ خاڵ.

یانەی تۆتنهام کە سێ یاری یەکەمی خولەکەی بردووەتەوە، بۆ یەکەمجار لەم خولەدا توشی شکستهات و، خاڵەکانی لە نۆدا مایەوە.