تۆپی پێ.. پاڵەوانێتی ئەورووپا

ئەنقەرە- AA

سێیەم هەفتەی وەرزی ٢٠٢٠- ٢٠٢١ی خولی پاڵەوانێتی ئەورووپا بەکۆتا هات.

لە چوارچێوەی رووبەڕووبوونەوەکانی گرووپی Hدا، یانەی مێدیپۆل باشاکشەهیر بە ئەنجامی ٢-١ لە یانەی مانچستەر یونایتد-ی بردەوە.

ئەمەش یەکەمجارە یانەی مانچستەر دوای ١٩ رووبەڕووبوونەوە شکستبهێنێت.

لە لایەکی دیکەشەوە یانەی لایپزیک بە ئەنجامی ٢-١ لە یانەی پاریس سان جێرمان-ی بردەوە.

لایپزیک لەڕێی ئەم سەرکەوتنەیەوە شەش خاڵی تۆمار کرد و گەیشتە ریزبەندی دووەمی گرووپی H.

لە لایەکی دیکەوە لە گرووپی E دا، یانەی چێڵسی بە ئەنجامی ٣-٠ لە یانەی رێن-ی فەڕەنسی بردەوە.

بەمشێوەیە چێڵسی حەوت خاڵی بۆ خۆی تۆمار کرد و لە ریزبەندی یەکەمی گرووپەکەدا مایەوە.

لە گرووپی F دا، یانەی بورۆسیا دۆرتمۆند بە ئەنجامی ٣-٠ لە یانەی کڵەپ برۆژ-ی بردەوە.

هەروەها لە گرووپی G دا، یانەی بارسێلۆنا لەڕێی پەناڵتییەوە بە ئەنجامی ٢-١ لە یانەی دینامۆ کییەڤ-ی بردەوە.

بەهەمان شێوە لە هەمان گرووپدا یانەی یوڤێنتوس بە ئەنجامی ٤-١ لە یانەی فێرەنتس-واروشی بردەوە.

ئەنجامی رووبەڕووبوونەوەکانی هەفتەی سێیەمی پاڵەوانێتی ئەورووپا بەم شێوەیەی خوارەوە بوو:

گرووپی E:

چێڵسی (ئینگلتەرا)- رێن (فەڕەنسا): ٣-٠

سێڤلیا (ئیسپانیا)- کراسنۆدار (رووسیا): ٣-٢

گرووپی F:

زێنیت (رووسیا)- لازیۆ (ئیتاڵیا): ١-١

بورۆسیا دۆرتمۆند (ئەڵمانیا)- کڵەپ برۆژ (بەلجیکا): ٠-٣

گرووپی G:

بارسێلۆنا (ئیسپانیا)- دینامۆ کییەڤ (ئۆکراینا): ٢-١

فێرەنتس-واروش (هەنگاریا)- یوڤێنتوس (ئیتاڵیا): ١-٤

گرووپی H:

مێدیپۆڵ باشاکشەهیر (تورکیا)- مانچستەر یونایتد (ئینگلتەرا): ٢-١

لایپزیک (ئەڵمانیا)- پاریس سان-جێرمان (فەڕەنسا): ٢-١