ئیستانبوڵ ــ AA

سەرۆکی دەستەی پیشەسازیی بەرگریی لە سەرۆکایەتی کۆماری تورکیا، ھالوک گۆرگون ڕایگەیاند کە ھەناردەی وڵاتەکەی لە کەرتەکانی بەرگریی و فڕۆکەوانییدا لەمساڵدا، گەیشتووەتە ھەشت ملیار و ٥٠٠ ملیۆن دۆلار.

ھالوک گۆرگون بەشداری لە حەوتەمین کۆبوونەوەی دیدارەکانی پیشەسازیی بەرگرییدا کرد کە لەلایەن ژووری پیشەسازیی ئیستانبوڵ (Iso) و کۆمەڵەی پیشەسازیی بەرگریی لە ئیستانبوڵ (SAHA Istanbul) ڕێکخرابوو.

سەرۆکی دەستەی پیشەسازیی بەرگریی لە سەرۆکایەتی کۆماری تورکیا لە کۆبوونەوەکەدا، باسی لەو پێشکەوتننانە کرد کە لە کەرتەکانی فڕۆکەوانی و بەرگریی تورکیا بەدی ھاتوون.

ڕاشیگەیاند کە ھەناردەی تورکیا لە کەرتەکانی بەرگریی و فڕۆکەوانییدا لەمساڵدا، گەیشتووەتە ھەشت ملیار و ٥٠٠ ملیۆن دۆلار.