کەوتنەخوارەوەی فڕۆکەیەکی F-16 لە باڵكئهسیر، شەهیدبوونی فڕۆکەوانێکی لێكهوتهوه
Balikesir
باڵكئهسیر - AA
پارێزگاری باڵكئهسیر، ئیسماعیل ئۆستائۆغڵو ئاماژهی بهوه كرد کە بەهۆی کەوتنەخوارەوەی فڕۆکەیەکی جۆری F-16ی سەر بە فەرماندەیی نۆهەمین بنکەی سەرەکی جێت، فڕۆکەوانێک شەهید بووە.
لهو بارهیهوه، ئۆستائۆغڵو لە ڕاگەیاندراوێکدا باسی لهوه کرد کە فڕۆکەیەکی جۆری F-16ی سەر بە فەرماندەیی نۆیەمین بنکەی سەرەکیی جێت لە کاتی ئەرکدا کەوتووەتە خوارەوە.
گوتیشی: "فڕۆکەوانێکمان شەهید بووە. داوای لێخۆشبوون له خودا بۆ شەهیدەکەمان و سەرەخۆشی لە کەسوکاری و گەلە ئازیزەکەمان دەکەم".
ئۆستائۆغڵو سهردانی شوێنی ڕووداوەکەی كرد لە ناوچەی نایپلی لەسەر ڕێگای سەرەکی ئیزمیر-ئیستانبوڵ.
ههروهها ئۆستائۆغڵو زانیاری لە بەرپرسانی ناوچەکە وەرگرت و، له لێدوانێكیشیدا باسی لهوه كرد كه فڕۆكهكه دوای ماوەیەکی کورت له بهرزبوونهوهی کەوتووەتە خوارەوە.
لەلایەکی دیکەوە، بههۆی ڕووداوهكهوه ڕێگای سەرەکی ئیزمیر-ئیستانبوڵ بەڕووی هاتوچۆدا داخرا.
هاوكات تیمەکان لە ناوچەکە بەردەوامن لەسهر کارەکانیان.
