کەشوهەوا.. نزمترین پلەکانی گەرما لە ئاگری تۆمار کرا

ئەرزەڕۆم – AA

نزمترین پلەکانی گەرما لە ناوچەکانی رۆژهەڵاتی ئانادۆڵو لە شاری ئاگری تۆمار کرا کە ٢٧ پلەی ژێرسفری سەدی بوو.

بەپێی زانیارییەکانی بەڕێوەبەرایەتی کەشناسی تورکیا، پێشبینی دەکرێت کەشوهەوای ناوچەکە هەوراوی بێت و توندەبا-ش بەئاراستەی باشوور هەڵبکاتە سەر ناوچەکە.

نزمترین پلەکانی گەرما بەدرێژایی کاتژمێرەکانی شەو لە تەواوی ناوچەکە لەژێر سفری سەدییەوە بوون، بەشێوەیەک لە ئاگری – ٢٧، لە قەرس – ٢٥، لە ئەرزەڕۆم – ٢٠، لە ئیدر – ١٧، لە ئەردەخان – ١٥ و لە ئەرزنجان – ١٠ پلەی سەدی تۆمار کران.

پێشبینیش دەکرێت بەرزترین پلەکانی گەرما بەدرێژایی رۆژ لە تەواوی ناوچەکە لەژێر سفری سەدییەوە بن، بەشێوەیەک لە ئەرزنجان – ٣، لە ئەرزەڕۆم و قەرس – ٦، لە ئاگری – ٧، لە ئیدر و ئەردەخانیش – ٥ پلەی سەدی تۆمار بکرێن.

کەڵەکەبوونی بەفر لە ئاگری ٤٦ سانتیمەتر، لە ئەرزەڕۆم ٢٧ سانتیمەتر، لە قەرس ١٧ سانتیمەتر، لە ئەردەخان ١٥ سانتیمەتر و لە ئیدر ٧ سانتیمەتر تۆمار کرا.

بەرپرسە پەیوەندیدارەکان هۆشدارییان داوەتە هاووڵاتییان لە ئەگەری روودانی زوقم، بەستنی رێگاکان و دروستبوونی تەم ومژ.