بەفر بارین پاریزگاکانی ئەرزەڕۆم و ئەردەخان و ئاگری و قەرس دەگرێتەوە

ئەرزەڕۆم - AA

لەگەڵ نزمبوونەوەی پلەکانی گەرما، شەپۆلێکی بەفربارین پارێزگاکانی ئەرزەڕۆم، قەرس، ئاگری و ئەردەخانی گرتەوە.

لە پارێزگای ئەرزەڕۆم بەفربارین لە دوێنێ شەوەوە دەستیپێکرد و تا بەیانی ئەمڕۆ بەردەوام بوو.

بە ھەمان شێوە لە پارێزگای ئەردەخان بە شێوەی پچڕ پچڕ بەفر باری و شەقام و کۆڵانەکانی سپی کرد.

لە پارێزگای قەرس کە ساردترین پارێزگای تورکیاییە بەفربارین لە شەوی رابردووەوە دەستیپێکرد و لە شارۆچکەی ساریکامش ئەستووری بەفر گەیشتە ١٥ سانتیمەتر و لە ناوەندی خلیسکێنەی جیبیلتەپە ئەستووری بەفری کەڵەکەبوو گەیشتە ٢٥ سانتیمەتر.

تیمەکانی شارەوانی پارێزگاکەش دەستیان بە پاک کردنەوەی شەقامەکان و راماڵینی بەفر کردوە.

پارێزگای ئاگریش لە بەرەبەیاندا کەوتە بەر شەپۆلی بەفرەکە.

منداڵان لە شەقام و باخچەی قوتابخانەکانیاندا یاری شەڕە بەفریان کرد.