کلچدارئۆغڵو: "بەبێ خوێنڕشتن ناتوانن سیستەمی سەرۆکایەتی بھێنن"

سەرۆکی گشتیی جەھەپە کەمال کلچدارئۆغڵو لە ئەنجوومەنی گشتیی یەکێتیی بۆرسە و ژوورەکانی تورکیا (تۆبب) لە زانکۆی ئابووری و تەکنۆلۆژی گوتارێکی پێشکەش کرد.
کلچدارئۆغڵو لە گوتەکانیدا رایگەیاند کە لە ساڵی ٢٠٠٢دا تورکیا تەنھا کێشەی ئابووری ھەبوو بەڵام ئێستا پێنج کێشەی بنەمایی ھەیە.
کلچدارئۆغڵو هەروەها گوتیشی: "ئەمە چ جۆرە سیستەمێکی سەرۆکایەتییە. لە سیستەمی سەرۆکایەتی تەنھا کەسێک قسە دەکات و گشت تورکیا بێ دەنگ دەبێت، تەنھا کەسێک قسە دەکات و دادوەر بەگوێرەی قسەکانی بڕیار دەدات. سیستەمی سەرۆکایەتی بەم شێوەیە بەبێ خوێنڕشتن ناتوانن لە وڵات پەیڕەوی بکەن".