کاریگەربوونی بەفر و سەرماوسۆڵە لە سێ پارێزگای خۆرهەڵاتی ئانادۆڵو

ئەرزەڕۆم-AA

بەفربارین لە ئەردەخان و سەرماوسۆڵە لە ئەرزەڕۆم و قەرس کاریگەر بوو.

پلەکانی گەرما لە شەودا لە ئەرزەڕۆم حەوت پلەی ژێر سفری سەدی بوون و بەهۆی کاریگەری سەرماوە، توێژی بەستوو لەسەر جامی ئۆتۆمبێلەکان و پەنجەرەی خانوو و شوێنکارەکان دروست بوو و گەڵای درەخت و رووەکەکان لە هەندێک لە پارک و باخچەکاندا بە زوقم داپۆشران.

ئەستووریی بەفر لە ناوەندی خلیسکەی سەربەفری پاڵاندۆکەن بە ٢٠ سانتیمەتر و لە ناوەندی خلیسکەی سەربەفری کۆناکڵی بە نۆ سانتیمەتر پێوانە کرا.

- قەرس

لە شاری قەرس گەڵای درەخت و رووەکەکان زوقم داپۆشران و توێژی بەستوو لەسەر جامی ئۆتۆمبێلەکان دروست بوو.

لە گوندی بۆغازتەپە کە لە بەرزی دوو هەزار و ٣٠٠ مەتر هەڵکەوتووە و بەرگی سپیی پۆشیووە، بەشێک لە هاووڵاتییان بە گەڕان لەسەر بەفر خۆشی خۆیان دەربڕی.

پلەکانی گەرما لە شەودا لە قەزای ساریکامیش حەوت پلەی ژێر سفری سەدی بوون و درەخت و رووەکەکان بە زوقم داپۆشران، هەروەها رووی چەمی ئاجیسو لە قەزاکە بەهۆی کاریگەری سەرماوە بە سەهۆڵ داپۆشرا.

- ئەردەخان

کاریگەری سەرماوسۆڵە و بەفربارین لە ئەردەخان بەردەوام بوو.

بەهۆی ساردی کەشوهەواوە لە ناوەندی شارەکەدا، توێژی بەستوو دروست بوو. بەشێک لە ئاژەڵداران سەرباری بارینی بەفر، هەوڵیان دا لە دەرەوە ئاژەڵەکانیان بلەوەڕێنن.