پەیامی ئەردۆغان بەبۆنەی "رۆژی نەورۆزی جیهانیی"ەوە

ئەنقەرە - AA

سەرکۆماری تورکیا، رەجەب تەیب ئەردۆغان رایگەیاند "رۆژی نەورۆز پیرۆز دەکەم کە نیشانەی هاتنی بەهار و مانای خاوەندارییەتییکردنە لە رابردوو و، ئایندەمان لە یەکێتیی و پێکەوەییدا و، دوای تێپەڕاندنی سەرجەم جیاوازییەکانمان".

رەجەب تەیب ئەردۆغان بە بۆنەی "٢١ی ئادار رۆژی نەورۆزی جیهانی" پەیامێکی بڵاوکردەوە.

ئەردۆغان لە پەیامەکەیدا رایگەیاندووە "رۆژی نەورۆز پیرۆز دەکەم کە نیشانەی هاتنی بەهار و مانای خاوەندارییەتییکردنە لە رابردوو و ئایندەمان لە یەکێتیی و پێکەوەییدا و، دوای تێپەڕاندنی سەرجەم جیاوازییەکانمان".

هەروەها رایگەیاندووە: "ئێمە وەک نوێنەرانی شارستانییەتییەک کە جیاوازییەکان وەک دەوڵەمەندیی دەبینین و ئاوێتەی بەها گەردوونییەکانی وەک ئاشتی، لێبوردەیی، خۆشەویستی و برایەتیی بووین، هەمیشە خاوەندارییەتیی لە رۆحییەتی دووبارە ژیانەوە دەکەین، نەورۆز نوێنەرایەتی دەکات، بەو هێزەی کە لە مێژوومانەوە وەرمانگرتووە بەردەوام دەبین لە خەبات لە دژی کارە نەرێنییەکان کە لە ناوچەکەمان و جیهاندا روودەدەن".

سەرکۆماری تورکیا راشیگەیاندووە: "هیوادارم نەورۆزی مژدەدەری بەهار لە سەرانسەری وڵاتەکەماندا و، لە کۆمەڵگە براکانماندا کە لە جوگرافیای کولتووری هاوبەشدا دەژین، وەک جەژنی خۆشەویستی و دۆستایەتیی پیرۆزبکرێت. ئومێدەوارم نەورۆز جەژنی پیت و بەرەکەت، جوانیی و باشیی بۆ گەلە خۆشەویستەکامان بهێنێت و، لە ناخی دڵمەوە سڵاو لە هەموو هاووڵاتییانم دەکەم".