پرسی ئەلباب لە پەرلەمانی تورکیا

پەرلەمانی تورکیا - AA

وەزیری بەرگری تورکیا فکری ئشک رایگەیاند سبەی زانیاری دەدات بە پەرلەمانتارانی تورکیا لەبارەی ئۆپەراسیۆنی قەڵغانی فوڕات و پێشهاتەکانی ئەلباب.

ئشک لە لێدوانی بۆ رۆژنامەوانان لە پەرمانی تورکیا رایگەیاند کە لەگەڵ فراکسیۆنی پارتی دەسەڵاتدار و ئۆپۆزسیۆن کۆبووەتەوە، سبەینێش لە دانیشتنی پەرلەمان زانیاری دەدات لەبارەی ئۆپەراسیۆنی قەڵغانی فوڕات و پێشهاتەکانی ئەلباب. گوتیشی: "با زانیارییەکان بە تەواوی و وەک خۆی بگەن، کۆیان بکەینەوە و بۆ رای گشتی و پەرلەمان بیانخەینە روو. ئێستا لە ماوەیەکی کەمدا دەرفەت نییە قسە لەسەر زانیارییەکان بکرێت. هاوکارانمان بە چڕی کار بۆ ئەمە دەکەن".