وەزیری دادی تورکیا: "ئێمە بە قۆناغێکی گرنگدا تێدەپەڕین بە ئاراستەی ڕزگاربوون لە بەڵای تیرۆر"

ئەنقەرە ــ AA

وەزیری دادی تورکیا، یڵماز تونچ کە ئێمە بە قۆناغێکی گرنگدا تێدەپەڕین بە ئاراستەی ڕزگاربوون لە بەڵای تیرۆر کە یەکێکە لە گەورەترین بەربەستەکانی بەردەم گەشەپێدان، یەکڕیزی و یەکپارچەیی خاکی تورکیا.

یڵماز تونچ لە ھەژماری خۆی لە تۆڕی کۆمەڵایەتی ئێکس سەبارەت بە بڕیاری ڕێکخراوی تیرۆریستیی پەکەکە بۆ خۆھەڵوەشاندنەوە و چەک دانان، نووسیوویەتی: " ئێمە بە قۆناغێکی گرنگدا تێدەپەڕین بە ئاراستەی ڕزگاربوون لە بەڵای تیرۆر".

ھەروەھا ڕاشیگەیاندووە: "وڵاتەکەمان تاریکی تیرۆر بەجێ دەھێڵێت و ھەمیشە بەھا سەرەکییەکانی کۆمارەکەمان دەپارێزێت، ئەوەش لە چوارچێوەی ئامانجی "تورکیای بێ تیرۆر"، ھەروەھا بەردەوام دەبێت لە ھەنگاونان لەسەر ڕێگای دیموکراسی و سەروەری یاسا".

جەختی لەوەش کردووەتەوە کە تورکیا بە "ئیرادە بەرەو ڕووناکی برایەتی و سەقامگیری"، ھەنگاو بنێت.

ئاماژەی بەوەشداوە، ئەو سەرکردایەتییە بەھێزەی کە سەرکۆماری تورکیا، رەجەب تەیب ئەردۆغان نیشانی داوە، ھەروەھا بانگەوازە مێژووییەکەی سەرۆکی گشتیی مەھەپە، دەوڵەت باخچەلی و ھەڵوێست و ئاڕاستەکانی بۆ پێشھاتەکان ڕێگە خۆشکەربوون بۆ تورکیا، بۆ ئەوەی بە متمانەوە بەرەو ئایندەیەکی ئاشتیخواز و ئارام و سەقامگیر ھەنگاو بنێت.