وەزیری بەرگریی تورکیا: "زیاتر لە چوار هەزار سەربازمان لە هاتای بەشدارن لە هەڵمەتی رزگارکردندا"

هاتای - AA

وەزیری بەرگریی تورکیا، خولوسی ئاکار رایگەیاند: "لە ئێستادا لە پارێزگای هاتای زیاتر لە چوار هەزار سەربازمان بەشدارن لە هەڵمەتەکانی گەڕان و رزگارکردندا".

خولوسی ئاکار لەگەڵ وەزیری تەندروستیی وڵاتەکەی، فەخرەددین کۆجا لە ناوەندی هەماهەنگیی دۆخی لەناکاو له‌ هاتای، سەبارەت بە ئامارەکانی کارەساتی سەدە، بۆ رۆژنامه‌وانان دوا.

ئاکار رایگەیاند: "هەموو فڕۆکەکانمان لە کاردان و لەو چوارچێوەیەشدا بەئەنجامدانی زیاتر لە ٥٠٠ گەشتی ئاسمانیی هاوکاری گواستنەوەی کارمەند و پێداویستی دەکەین بۆ ناوچەکە".

سەبارەت بە بەشداری هێزەکانیان لە هەڵمەتەکانی گەڕان و رزگارکردن لە ناوچە کارەساتبارەکاندا، ئاکار رایگەیاند: "لە ئێستادا لە پارێزگای هاتای زیاتر لە چوار هەزار سەربازمان بەشدارن لە هەڵمەتەکانی گەڕان و رزگارکردندا".