شڕناخ - AA

وەزیری بەرگریی تورکیا، یاشار گولەر ڕایگەیاند: "ئیدی ئامانجی تورکیای بێ تیرۆر بووەتە ئاسۆیەکی ڕوون و، دەرگای پرۆسەیەک دەکاتەوە کە یەکێتیی، برایەتیی و داهاتووی هاوبەشی گەلەکەمان بەهێزتر دەکات".

گولەر سەردانی پارێزگاری شڕناخی کرد و لەگەڵ پارێزگاری شارەکە، بیرۆل ئەکیجی کۆبووەوە.

سەبارەت بە پرۆسەی تورکیای بێ تیرۆر، وەزیری بەرگریی تورکیا گولەر ڕایگەیاند: "ئیدی ئامانجی تورکیای بێ تیرۆر بووەتە ئاسۆیەکی ڕوون و، دەرگای پرۆسەیەک دەکاتەوە کە یەکێتیی، برایەتیی و داهاتووی هاوبەشی گەلەکەمان بەهێزتر دەکات''.

گوتیشی: "تورکیایەکی بەهێز دەخوازین کە بە تەواوی لە تیرۆر داماڵدرابێت، ئاشتیی، برایەتیی و خۆشگوزەرانیی تێیدا باڵادەست بێت. لەپێناو ئەمەشدا لە ڕۆژهەڵاتەوە بۆ ڕۆژئاوا، لە باکوورەوە بۆ باشوور، بە بڕیاری هاوبەشی ٨٦ ملیۆن کەس هەوڵ دەدەین تیرۆر بۆ هەمیشە لەم خاکەدا بسڕینەوە".