وه‌زاره‌تی ده‌ره‌وه‌ی توركیا: "توركیا له‌ هه‌ماهه‌نگیدایه‌ له‌گه‌ڵ فه‌ڕەنسا"

وه‌زاره‌تی ده‌ره‌وه‌ی توركیا ئیدانه‌ی په‌لاماره‌كه‌ی شاری نیسی فه‌ڕەنسای كرد.

له‌ روونكردنه‌وه‌یه‌كی وه‌زاره‌ته‌كه‌دا به‌توندی ئیدانه‌ی په‌لاماره‌ تیرۆرستییه‌كه‌ی شاری نیس كراوه‌.

روونكردنه‌وه‌كه‌ هاوخه‌میی بۆ گه‌لی فه‌ڕەنسا ده‌ربڕیوه‌ و هاتووە کە: "له‌ به‌ره‌نگاربوونه‌وه‌ی تیرۆر، توركیا له‌ هه‌ماهه‌نگیدایە له‌گه‌ڵ فەڕەنسا. هه‌موو پێكه‌وه‌ به‌رده‌وام ده‌بین له‌ به‌رنگاربوونه‌وه‌ی ئه‌و دڕندانه‌. پێش هه‌موو شتێك تیرۆر ده‌ستدرێژییه‌ بۆ مرۆڤایه‌تی و به‌ها به‌رزه‌كانی. له‌م رۆژه‌ سه‌خته‌دا سه‌ره‌خۆشی له‌ فەڕەنسای دۆست و گه‌لی فەڕه‌نسا ده‌كه‌ین. داوای ئارامگری بۆ كه‌سوكاری قوربانیان و هیوای چاكبوونه‌وه‌ بۆ برینداره‌كان ده‌خوازین".