هەدەپە جگە لە یوکسێکداغ و دەمیرتاش هیچ پاڵێوراوێکی دیکەی نییە

چاوەڕوان دەکرێت هەدەپە لە کۆنگرەکەدا باس لە چەندین گۆڕانکاری پارتەکەی بکات و هەروەها جەخت دەکرێتەوە لەسەر بابەتی سیستەمی خۆبەڕێوەبەریی و بەمەبەستی گەیاندنی بابەتەکەش لە ٥١ شاردا کۆنفرانسی راستەوخۆ ساز دەکرێت.

لە کۆنگرەکەش هەر یەک لە هاوسەرۆکان فیگەن یوکسێکداغ و سەڵاحەدین دەمیرتاش بەجیا گوتارێک پێشکەش دەکەن، هەروەها دواتر نوێنەرانی ئافرەتان و گەنجان گوتاری خۆیان پێشکەش دەکەن و کۆنگرەکە درێژە دەخایەنێت.

چاوەڕوان دەکرێت نوێنەری زۆرێک لە باڵیۆزخانەی وڵاتان لە تورکیا میوانی کۆنگرەکە بن دیارە هەدەپە بە فەرمی داوای لە پارتەکانی هەرێمی کوردستان و سەرۆکی هەرێمی کوردستان مەسعود بارزانی کردووە کە ئامادەی کۆنگرەکە بن.